الله عليها اذا هي عبـّرت ياعجيب
دقــّات قلبي معاها تختلف والمسير
ربّي عطاها خصالن والعطى ذا نصيب
من عندِ ربـّي وسبحانه عظيمن قدير
فيها فنون الجمالَ اليعربي والرهيب
حلوه كذا أو كذا ياعاذلي شي مثير
تحكي معي ياغرامي من غنجها تصيب
كلّ البنات العذارى والزهر والعبير
دكتورتن في العشق والفلسفه ماتخيب
من فكرها يرجعَ التافه مفيدن كثير
في طبعها حلوتن ماهو تطبـّع غريب
مثل الطفل في البراءه ماتخون العشير
مامثلها في خجلها واضحن مايغيب
مهما تداري عليْ من نظرتي يستثير
يظهر على خدّها لونه يشافي العطيب
والإبتسامه دليله في الشفايف تحير
كلّي فداها وهي بلسم حياتي طبيب
تشفي جروحي ولو جرحي صعيبن كبير
مامثلها لا ولا بين البشر حدْ قريب
من حسنها كلّ مافيني عليها يغير
قفْ ياشعر لو إلى بكره تصبصب صبيب
ماظنتي بنتهي من وصفها لو تطير
هيْ في فؤادي ملكني حبـّها مو عجيب
واللي دخل جنـّتن إن ما تزوّد فقير
الله عليها
تاريخ النشر: 22 يونيو 2012 00:59 KSA
الله عليها اذا هي عبـّرت ياعجيب
دقــّات قلبي معاها تختلف والمسير
ربّي عطاها خصالن والعطى ذا نصيب
من عندِ ربـّي وسبحانه عظيمن قدير
A A
