ليت الوجع فيني ولا جاك يا امير
ياسيدي محمد عريب المجاني
سلامتك فرحه لها كل تقدير
من شانها تكتب جميع التهاني
عندي غلاتك كثر ما خلق الطير
وكثر الدقايق من مرور الزماني
غلاك فاق الوصف في كل تصوير
أغلى من الياقوت والزعفراني
تفداك روحي ياعسى فالك الخير
ويفداك شعبك ما يجي علم ثاني
بلغت راس المجد من دون تقصير
من فعلك الشامخ كسبت الرهاني
اسرجت خيلك ما حسبت المشاوير
مسافة الساعات عندك ثواني
يا القايد اللي خاض في كل تطوير
اتعبت غيرك ياسهيل اليماني
ذخر الملك سلمان درع الأعاصير
حزم الدول في كل وقت ومكاني
يحفظه ربي من صروف المقادير
ويحفظ وطننا دوم من كل جاني
صحيفة يومية تصدر عن مؤسسة المدينة للصحافة والنشر
