هزي جذوع الجفا .. دام العناد أوراق
يمكن خريف الرضا تسقط تباشيره
يا الله تجيني طفل .. عاشق شغب وعناق
ويا الله نهار الشقا .. ماتنبته ديره
عاتب .. ترى لك غلا في داخلي ماضاق
ملزوم»ن» أسمع .. ولك ظلم العتب خيره
أنا أدري إنك هدف .. ماقد مشت له ساق
والله وأنا لحيتي شابت من الغيره
يافرحة»ن» ماامتطت غير الثواني سباق
ويادمعة»ن» نوخت للحزن تكشيره
كلي ظما .. ماسقاني ماك غير إحراق
وكلي عقوق .. إن نهتني عنك تخديره
تدري .. أحبك /ظلوم»ن»/ عايب»ن»/بواق
ولا أنشد السر عن آخر مدى بيره
وأرضاك صبح»ن» حرمني فيك كل إشراق
أبرك .. ولا يوم بعضه ينتظر غيره
فيك أحتري الغيمه اللي تنجب البراق
ولا بللتني : خذ اسمي .. واكتبه عيره
ياما عبيد المزوح تشوف فيك إعتاق
واصبر البسط .. لو بي مل تأخيره
وأهدد أسياد هم»ن» غث .. ماينطاق
بالضحكه اللي تجي من صوبك مغيره
الله .. متى يفترق فينا الفراق /أفراق
ونرد في قهوة الكايد مباهيره
وإن سمرت عادة»ن « في الحلق كل خناق
أخضب اللوم من حنا معاذيره
ونعيش من كذبتين .. بصدق فيه نفاق
حتى يموت العشم ب آخر مشاويره
حتى يموت العشم
تاريخ النشر: 14 يونيو 2014 02:47 KSA
هزي جذوع الجفا .. دام العناد أوراق
يمكن خريف الرضا تسقط تباشيره
يا الله تجيني طفل .. عاشق شغب وعناق
ويا الله نهار الشقا .. ماتنبته ديره
A A
